Urtimo corpo de luxe


S’a fìse a pennellà daeta in scia tèia
d’un celebre pittò co-o sò racconto,
mi no veddièivo quello che staseia
me va a proponn-e o sò verso o tramonto.
Quello tocco de muagia, a gèxa vègia,
e ortensie, a reuza, a leloa, i tre cipressi
dovve l’urtima luxe a se ghe spègia
a quest’òa disperà no son ciù i stessi.
O l’è ‘n momento e o tempo sempre poco;
l’è zà spario questo magico effetto
e ritreuvo a realtae; mi prego, invoco
a neutte de tardà, senza rispetto.
Vègne l’ombra sottì comme n’agoggia
e pà che crolle o mondo e o bordonà;
l’urtima passoa a pitta ‘na freguggia
e a sparisce in to scùo, senza pià.

A. Canepa

*bordonà=trave di casa