GENTE DO BORGO

 

                      Cisa, Bice, Sina,

                     Checco o banca e Giggi o spegassin,

                     Giulli, Nesto, Baciccia,

                     Gin, Bstian, Michè.

                     I nostri vègi stan in casa a-o càdo,

                     ma no i veddiaemo ciù torna inta stradda.

                    O longo inverno o no finisce manco

                    quande, d'agosto, bruxa o sò lion.

                    Assettae da-o barcon, mian San Ceprian,

                    o a collinna verde de Stronello,

                    a Guardia, e Figne, o Leco e o Pennello,

                    ma còse pensan no so indovinà.

                    Saiò tra 'n po' anche mì a mià e montagne

                    da-o mae barcon, ma so còse pensiò:

                    che se nascesse torna, vorriae nasce

                    inte 'sto borgo dovve e muage vège

                    e i rebighi impan de luxe a mente

                    e chi ghe vive sa còse se sente.

 

                                                      ANTONIO CANEPA